Warbixin iyo Falanqayn Rabshadihii Gaarissa

Isniintii la soo dhaafay Gaarissa waxaa lagu dilay saddax askari oo ka tirsan ciidanka difaaca Keenya, CDK.Waxay ka mid ahaayeen ciidanka midowga Afrika ee ka howlgala koonfurta wadanka Soomaaliya, HMAS.

Afhayeenka ciidanka Kenya Gaashaanle Dhexe, G/Dhexe, Sayras Oguna, wuxuu sheegay, siduu soo wariyay wargayska maalinlaha ee Kenya, Maalinle Qaran, Daily Nation, in labo askari la joogeen askarta la dilay, labadaas askari ma furin wax xabado ah si looga hortago khasaaro shicibka soo gaara.

Waxaa naloo sheegay meeshay u cararren kuwii askarta dilay, buulo masuuri, uu dhahay Oguna, waa bursanay, bacdina waxaan soo qabanay qalab xagga isgaarsiinta ah. Casarkiina waxaa naloo sheehay inaan howsha joojino.

Bacdi waxaa dhacay, uu dhahay Oguna,  mudaaharaad, bacdina waxaa kala burshay Booliska ayagoo adeegsanaaya sunta dadka oohinta ka keenta.

Haddana oguna wuxuu sheegay in talaadadii hub lagu soo weeraray xiro ay ciidanka daganyihiin, laakiin wuxuu sheegay inay rasaas uga jawaabin.

Warbixinta Sayris Oguna waxay ka hor imaanaysaa warbixino ay qoreen qaar ka mid ah warbaahinta caalamka iyo xittaa war ka soo baxay madaxda Dowladda Keenya, oo ay ka mid yihiin Wasiirka Gaashaandhigga iyo Wasiirka Kowaad, Yusuf Xaaji iyo Raila Odinga.

Odinga wuxuu cambaareeyay howlgalkii ciidamada Kenya ee Gaarissa, wuxuuna u balan  qaaday inuu magdhow siinaayo dadkii wax ku noqday musiibadaas, siduu qoray wargayska halbeeg, Standard, qaybtiisa internetka,  ama shabaqyada dhexdooda, ama mareegaha, taariikhda markay ahayd 24kii bishaan nofember,2012.

Xadgudubyada ciidanka waxay u egtahay inay dhaliyeen isku soo bixii rabshadaha watay ee ka dhacay Gaarissa.Rasaas la furay ugu yaraan waxay dhaawacday 8 qof, in ka badan 50na waxaa soo gaaray dhaawacyo kale, garaac ama darabaad, tusaale ahaan, siday soo warisay BBCda aflka Ingiriisiga ku hadasha talaadadii, nofember 20keedii, 2012.

Ciidanka wadanka Kenya waxay dad kala soo baxeen masaajid ku yaala Gaarissa, bacdina waa garaaceen waana xireen; warkaan waxaa sheegay idaacada BBCda ee af-ingiriisiga ku hadasha isla maalintii arintaan dhacday, isniin 19kii bisha nofember, 2012.

Dadkaan rasaasta soo gaartay waxaa ka mid ahaa arday wax ka barata kownti Hay iskuul, oo u dhow xiro ciidan.

Wargaysyada Kenya waxay soo wariyeen in oday dhaqameed dhaawac ka soo gaaray xabado ay fureen ciidanka Kenya, inuu u dhintay. Waxaa kaloo gabi ahaanba gubtay ama inta badan gubtay mid ka mid ah suuqyada ugu waawayn Garissa oy ku yaaleen saddex kun oo dukaan, siduu sheegay Faarac Macalin, ku xigeenka barlamaanka Keenya, oo u waramaayay VOAda laanteeda af-Soomaaliga, 23kii bisha nofember, 2012.

Waxay u egtahay warkii uu sheegay Gaashanle Dhexe Sayris Oguna inuu sax ahayn. Hadday saas tahayna, waxaa adkaanaysa in la rumaysto hadda ka dib.

Waxaa xusid mudan wasaaraddii loo igmaday inay qiimayso dhibkii dhacay bacdina magdhow ka bixiso inay sheegtay inay lacag haysan, ayna u baahantahay in golaha wasiirada ee wadanka Keenya inay lacag siiyaan wasaaradda si ay magdhow u siiso dadkii wax ku noqday wixii ka dhacay Gaarissa.
 

Isha Bulshonews.com