Warbixintii Soomaaliya ee isbuucaan.

Wararkii Sabtida, Oktober, 20, 2012.

Nin la sheegay inuu ka ganacsan jiray sariiraha,  aa lagu dilay xaaafada viya Afmadow ee magaalada kismaayo, Jubada hoose. Ninkaan waxaa magiciisa lagu koobay Cali[1].

Isla maqaalkaan waxaa lagu sheegay gantaala ka soo dahcaayay dakadda Kismaayo oo ku dhacaayay dhanka waqooyiga magaalada. Arintaan ayaa ka dambaysay sida magaalka lagu sheegay dagaal dhexmaray ciidanka Dowaldda iyo kuwo Shebaab. Waxaa kaloo maqaalkaan uu sheegay in 51 qof lagu xiray magaalada 24 saac oo la soo dhaafay ayagoo la xiriirinaayay xarekada Shebaabka.

Dagaal saan u wayn hadduu dhici lahaa idaacadaha caalamiga ah sida BBCda iyo VOAda aa sheegi lahaa.

Hiiraan waxay soo warisay in nin ka tirsan ciidanka Kenya in lagu rasaaseeyay magaalada Gaarisa, baaritaano ay sameeyeen ciidankana dad badan lagu qabqabtay[2].

Maqaal ku soo baxay shabakadda Hiiraan aa magacdhabay sabab sharixi karta sababta bambaanooyinka loogu tuuray xaflad aroos  ah oo ka socotay dagmada Hodan ee Gobolka Banadir.[3]

Qoraaga wuxuu sheegay inay socota musik ay la cayaaraayeen rag iyo dumar. Arintaan waxay u egtahay falalka ay gaystaan Shebaabka, sida lagu arkay  meelo badan oo ka tirsan Soomaaliya iyo Afqaanistaan,  ayagoo is dhahaaya waa mid ka hor imaanaysa diinta Islaamka, siday ayaga u arkaan[4].

Isla warbixintaan waxaa lagu sheegay in 3 bambo lagu weeraray maqaayad ku taal Heliwaa, Banadir, bacdina 2 qof ay ku dhimatay, 3 kalena ay ku dhaawacmeen, ayadoo la rabay in la dilo askari ka tirsan ciidanka Soomaaliya[5]. Baaritaano ciidamada ay meesha ka sameeyeen waxaa lagu soo qabqabtay dad looga shikisanyahay in arimahaan ka dambeeyeen, sida isla maqaalkaas lagu sheegay.

Guud ahaan waxaa muuqata Hiiraan inay soo warisay 5 qof oo dhimasho ah iyo 10 dhaawac, oo ka kala dhacay Xamar iyo Kismaayo.

Axadd, 21ka Bisha Oktober, 2012.

Axaddii  la soo wariyay in qof lagu dilay magaalada Marka, gobolka Shabeelaha Hoose; dad tobon gaaraaya aa loo qabtay.[6]

Maanta oo axad miino qaraxday ayaa wax ka soo gaareen ciidanka ka tirsan kuwa Itoobiya; warar iskhilaafsan aa ka soo baxaaya meesha; kuwo waxay leeyihiin miino baaris ay ku jireen[7], kuow kale waxay leeyihiin waa loo dhigay[8], kuwo kale waxay leeyihiin rasaas ay fureen[9] bacdi qaraxa dadaana wax ku noqday; kuwo kale waxay leeyihiin, wax rasaas ah ma furin[10]

Wariye ka tirsan Idaacada Shabelle oo la dhaho Maxamed Maxamud Tuuryare oo lagu dhaawacay dagmada wadajir, taariikhda markay ahayd 21 oktober, 2012[11].

Isniintii waxaa la soo wariyay in xubno ka tirsan xarakada Shabaabka inay madaafiic ku tuureen Afmadow, Goboloka Jubada Hoose[12]. Isla shakabadaan iyo shabakado kale oo badan sida jowhar.com, waxay wariyeen in ciidanka Dowladda ay meesha baaritaan ka sameeyeen, lama soo warin cid loo qabqabtay howlahaas.

Isniin, Kismaayo, 22 Oktober, 2012

Idaacada BBCda waxay baafisay taariikhda markay ahayd 22kii bisha oktober in Shebabaka inay weerareen xarunta magaalada Kismaayo[13].

Ciidamda isbahaysiga ee Howlgalka Midowga Afrika ee Soomaaliya, HMAS iyo kuwo Dowladda Federaalka Soomaaliya, DF, aa baaritaano ka sameeyay magaalada lagu qabqabtay dad boqolaal gaaraya, walow in badan oo ka mid ah la sii daayay, qaarna wali la haayo.

Isla maanta magaalada Baydhabo waxaa ka dhacay weerar ay geesteen xarakada shabaabka, ayagoo weeraray xarunta maamulka Baydhabo iyo meel u dhow oo ay daganyihiin ciidanka ka tirsan kuwo Dowladda Soomaaliya. Warkaan waxaa soo wariyay idaacado badan, sida BBCda iyo shabakado badna oo Soomaali ah.  Lama xaqiijin khasaaraha meesha ka dhashay, marka laga soo tago sheegashada labada dhinac[14].

Ninka ugu magacdhaban Jubooyinka Shebaabka, Sheekh Cabduraxman Xudayfi, ay soo warisay shabakadda taageerta Shebaabka, ee amiirnuur.com[15], talaadadii oo taariikdu ahayd 23kii oktober, 2012, inay wadada u galeen ciidan ka tirsna kuwo Kenya agagaarka Kulbiyow. Xudayga ayaa ku andacooday in taageerayashiisa gaarsiiyeen kuway weerareen dhimasho, dhaawac iyo burburin hanti dagaal.

Shabakadda dayniile aa sheegtay, 23kii bisha oktober,  in dadka deegaanka u sheegeen inuu dagaalka meesha ka dhacay, ayna maqleen yeerka rasaasta[16].

Kulbiyow and Badhaadhe

Isla shabkaddaas waxay soo warisay in dagaal mafaafiic la isku waydaarsaday inuu ka dhacay deegaano u dhexeeye kulbiyow iyo Badhaadhe, oon ka fogayn meehsuu shalay ka dhacay dagaalka. Shabakad  taageerta Shabaabkana warkaan waa sheegtay, shabakado badan ma warin warkaan.

Talaado, 23ka bisha Oktober, 2012

Muqdisho, Soomaaliya

Idaacadaha BBCda iyo VOAda ma sheegin dagaalo ah ka dhacay maanta Soomaaliya; laakiin BBCda qaybteeda duhurnimo waxay sheegtay  howlgalo ay fuliyeen ciidamo ka tirsan kuwa Soomaaliya ee ka howlgala Banadir.

Waxaa kaloo jirta in magaalada laascaanood ay ka dhaceen qarax ay 4 qof ku dhaawacmeen. Gudoomiyaha gobolka sool wuxuu idaacada BBCda Soomaaliga u sheegay inay labo qarax ay jireen, midna la furfuray, midkii kalan uu qarxay ayadoo la furaayo[17].

Arabaco, 24, 2012.

Sida Idaacada BBCda laanteeda af-Soomaaliga ay sheegtay maanta oo arbaco, oktoberna tahay 24, sanada 2012, weerar ayaa waxaa qaaday xubno ka tirsan Shabaab waxay ku qaadeen dayuuro dageenak Kismaayo oo ay daganyihiin ciidan ka socda Kenya, oo qayb ah howlgalka Midgowga Afrika ee Soomaaliya iyo Xaafada viya Afmadow oo ay daganaayeen ciidan ka tirsan kuwo Dowladda Soomaaliya. Afhayeen u hadlay Dowladda Soomaaliya oo loogu yeeray Maxamed Farax in hal bam gacmeed lagu soo tuuray viya afmadow, laakiin ma sheegin weerarka dayuuro dageenka [18]

 

Wariyaha idaacada BBCda wuxuu kaloo sheegay inay sii soctay qabqabsshada dad looga shakisanyahay inay ka tirsanyihiin Shebaabka oo ka howlgalaayay magaalda Kismaayo.

 

VOAda qaybteeda Af-Soomaaliga waxay sheegtay in 70 qof dad kor u dhaafaaya in lagu qabqabtay magaalada Kismaayo, dadkaas oo looga shakisanyahay inay ka tirsanyhiin ama xiriir la leeyihiin Shebaabka[19].

 

Afhayeen u hadlay malaishiyada Raskaambooni oo u waramay VOAda laanteeda Af-Soomaaliga, wuxuu sheegay inay jirin wax dagaal ah oo ka dhacay magaalada kismaayo siday sheegtay BBCda iyo shabakado kale. Warkaan wuxuu ka hor imaanaa warka uu sheegay Maxamed Farah, afhayeenak ciidamada Dowaladda Ee Jubooyinka.

Wariye lagu dilay Laascaanood

Wariye magaciisa lagu sheegay Ahmed Farah Ilsyaas oo u shaqaynaayay Universal TV aa lagu dilay laascanood taariikhada markay 24kii bisha Oktober, 2012.

Shabakadda hiiraan.com waxay maanta warisay in xalay bam gacmeed lagu weeraray magaalada kismaayo, sida ka soo xigatay dad goobjoogayaal ah. Arintaan waxay ka horimaanaysaa warkii wariyaha idaacada BBCda laanteeda af-soomaaliga ah ee sheegay in labo weerar oo la adeegsaday gantaalada garabka, boobayaasha lagu weerarary viya afmadow iyo dayuuro dageenka Kismaayo, waxayna taageeraysaa warkii afhayeenka ciidamada dowladda Juboobiyka, Maxamed Farax[20].

 

Khamis 25, 2012

 

Somalia, October 2012

Idaacada Codka Maraykanka ee af-Soomaaliga, aa sheegtay in 8 qof ay ku dhinteen ilaa 10 kale ku dhaawacmeen baabuur dad rakaab ah ay saaranyihiin oo ku safraayay wadada isku xirta  Buurhakaba iyo Walla-wayn.

 

Warar iskhilaafsan ayaa ka soo baxaaya cidda gaysatay falkaan; Idaacada VOAda waxay sheegtay inay la xiriirtay dad goobjoog ah oo u sheegay in rasaasta ay uga soo dhacday dhanka ciidanka xoogga dalka Soomaaliya, CXDS,  iyo kuwo  AMISOM, ama Howlgalka Midowga Afrika ee Soomaaliya, HMAS.  Laakiin waxaa beeniyay gudoomiye ku xigeenka Gobolka Shabeelaha Hoose, C/Fatax  C/Dulle Yusuf oo sheegay inay meesha joogin dad goobjoogayaal ah marka laga reebo, dadkii dagaalamayay, iyo kuwii wax noqday[21].

 

VOAda laanteeda Af-Soomaaliga waxaad moodaa inay rumaysanyhiin in falkaan ay ka dambeeyeen HMAS ama AMISOM iyo CXDS, waayo waxay ku lifaaqeen maqaalka sawir askari ka tirsan HMAS am AMISOM oo wata qori boobaayasha culus ah. Arintaan waa mid ka mid ah caddaymaha loo haayo inay AMISOM ama CXDS ay falkaan ka dambeeyeen.

 

Arintaan waxaa kaloo sheegay shabakadda dhacdooyinka.com[22] iyo Somalimemo.net, tan dambe waxay si wayn u taageertaa Shebaabka.  Dhacdooyinka waxay sii gaar ah u sheegtay in baabuurka dadka ku dhinteen inuu banjaray, bacdina labo ciidanka AMISOM, ama HMAS, ay soo aadeen dhankooda, bacdina labo nin ka carartay, baabuurka, bacdian ay rasaas ku fureen, bacdina shan qof ay ku dhinteen, saddexna ku dhaawacmeen. Dadkiina ay meesha yaaliin ilaa hadda oon wax gurmad ah loo fidin, ka akhriso warbixinta meeshaan[2]. Waxaa xusid mudan maqaalkaan walow uu shalay ahaa inuu ka muuqan shabakadda qaybaheeda hore, laaliin aad ogaan kartid oo kaliya markaad akhrisid arimaha la xiriira dagaaalada Sh/Hoose.

 Shabakadda raxanreeb ayaa ayadana sheegtay in HMAS ama AMISOM inay ka dambaysay waxayna daliil ka dhigatay inuu sheegay gudoomiye ku xigeenka gobolka shabeelaha hoose, C/fatax Cabdulle Yusuf. Waxaa xusid mudan warkaan inuu khalad yahay, VOAda laanteeda af-soomaaliga waxaa ku cad sida lifaaqa hoos caddaynaayo inay gudoomiye ku xigeenka Sh/Hoose inuu inkiray inay ayaga ka dambeyeen falkaas, wuxuuna ku eedeeyay falkaan inay shabaabka ka dambeeyeen, walow warkiisa uu caddayn, ayna ka muuqatay hubsiimo la'aan[23].

 

Shabakadaha dayniile.com, jowhar.com, somaliweyn.com waxay sheegeen inu madfaca ahaa mid habow ah.

Shabakadda wadanka.com waxay sheegtay in taliyaha ururka labaad ee guutada lixaad, Cabdi Cali Cabdi inuu ka codsaday ciidanka AMISOM am HMAS inay magdhow ka bixiyaan gaari dad shacab ah u ku dhinteen gaarigaasoo ciidanka HMAS ama AMISOM ay dardareen, laakiin markii dambe la ogaaday inay kas ka ahayd dhibaatadii ay u geesteen rakaabka baabuurkaas. Shabakaddaan ma sheegin meesha warkaan laga daayay[24].

 

Shirkadda wararka ee AFPda, oo laga leeyahay dalka Faransiiska waxay sheegtay in gaariga caasiga ah uu madfac ku dhacay, laakiin ma sheegin cidda tuurtay iyo in kas aha iyo in kale[25].

 

Qof goobjooge ahaa oo la dhaho Xassan Yaxya wuxuu sheegay in baabuurka oo ahaa caasi ama mini-bus, ama hoomayga baabuurta loo yaqaan, inuu so soo galay meel dagaal ka socdo, bacdina qarax lala helay.

 

Maxamed Cabdiraxmaan, qof goobjoogo ah,  wuxuu sheegay inuu arkay 4 mayd ah, oo uu ku jiro qofay qaraabo yihiin.

 

Guud ahaan warbixinta AFP waxay sheegaysaa in meesha ay ku dhinteen 6, 5 kalena ay ku dhaawacmeen.

 

Waxaa xusid mudan in Leego, tuulada ugu shishaysa Sh/hoose, in lagala wareegay xagjiriinta, sida ku cad warbixinta AFP.

 

Jimce, Oktober 26th, 2012

Maanta oo taariikhda tahay 26ka bisha oktober, waxaa shabakado soo wariyeen in dayuuradaha dagaalka oo laga leeyahay wadanka Kenya inay ku soo dhawaadeen magaalada Baardheere, ee Gobolka Gedo,  xilli dadka isku diyaarinaayeen tukashada salaadda Ciida; qaarna ay joogeen fagaarayaasha magaalada si ay u gutaan tukashada salaadda Ciidda; meeshana waxaa joogay madax ka tirsan xarakada Shabaabka[26].

 

Dad badanaa iska dhaafay inay fagaaraaasha ku tukadaan salaadda ayagaoo ka cabsanaaya inay duyuuradaha Kenya duqeeyaan meelaha lagu tukanaayo.

 

Marka Baardheere laga tago, guud ahaan Soomaaliya maanta si fiican aa looga ciiday.  Mana jirin wax dagaalo ah oo la tabiyay maanta.

 

Markaan sadarada kore qoray waxana booqday shabakadda dayniile.com, oo ah shabakad sida ugu dhakhsiyaha badan u baafiya, walow, mararka qaarkood ay baafiyaan warar aan jirin, tusaale, waxay isbuucii hore dhaheen Dowladdaa qabsatay leego, mana dhicin ilaa isbuucaan.

 

Si walba ha noqotee waxay dhaheen ciidanka xoogga dalka Soomaaliya, CXDS iyo kuwo Howlgalka Midowga Afrika ee Somaaliya, HMAS ayaa waxay weerar ku qaadeen ciidan isku urursanaayay banaanka Afgooye, Shabeelaha Hoose. Waxaa ku dhintay 10 ka kooban kuwii dagaalay[27].

Waxay kaloo ay soo warsheen in ciidanka ka wada tirsan CXDS inay rasaas isku fureen ayagoo wada jooga Suuqa Bakaaraha [28].

 

Hal askari aa ku dhintay. Dayniile waxay kaloo warisay in kooxo aan la garanayn inay xerada qaxootiga xaradheere ay ku dileen nin ka tirsan askarta Kenya oo markaas shaqo ku jirin. Ninkaan ay Dayniile.com sheegtay inuu jinsi ahana ahaa Soomaali[29

 

---

[1] Maxamed Xaji Xussen “Kooxo hubeysan oo Kismaayo ku dilay nin shacab ah iyo dagaal ka dhacay Koontarool ku yaalla Waqooyiga Magaaladaas”. Hiiraan.com, oktober  20, 2012. Shabakad. Waxaan furtay 26kii Oktober, 2012. http://www.hiiraan.com/news/2012/Oct/wararka_maanta20-19626.htm

 

[2]  Maxamed Xaji Xussen, “ Askari ka tirsan Booliiska Kenya oo xalay lagu rasaaseeyay Magaalada Gaarisa oo ah Xarunta Gobolka Waqooyi-Bari Kenya” Okotber 20, 2012. Hiiraan.com. Shabakad. Waxaan furtay taariikhda markay ahayd 26kii bisha Okotber, 2012. http://www.hiiraan.com/news/2012/Oct/wararka_maanta20-19627.htm

 

[3]  Maxamed Xaji Xussen “Weerarro dhimasho iyo dhaawac geystay oo lagu Qaaday Xaflad Aroos iyo Maqaahi ku taalla Magaalada Muqdisho”. Hiiraan.com. Oktober, 2012. Waxaan furtay taariikhda markay ahayd 26kii bisha Oktober, 2012. http://www.hiiraan.com/news/2012/Oct/wararka_maanta20-19629.htm

 

[4] Ma cadda meesha diinta uga jirto in la dilo ama la dhaawaco qofka iska ciyaaraaya. Waxaa xusid mudan inuu jiro xadiis sheegaaya in Nabiga NNKHA inuu fiirsaday rag iyo dumar ciyaaraaya, oo xabashi ah,  ayadoo caaisho, xaaskiisa, ay asaga isku qarinaysay, dhar fiican ma wadan: ka warama hadda haddii xaas dhar fiican aan wadan isku qariso ninkeeda, bacdina fiirsato ciyaaro, Shebaab maxay samayn lahaayeen? Waxay wadaan dhaqan diinta lagu soo daray  waaye, ama aha diinta, tan kala garan waayeen, laakiin waa lagu celceliyay, bacdina runaa loo qaatay. Isdhexgalka ragga iyo dumarka wax dhib ah ma leh, waxaa laga fiirinaa ujeedka. Haddii guur xalaal ah ku imaanaayo saas, dhib ma laha, waxaa daran in gaabsi iyo waxaa la naawilo. Laakiin si walba ha noqotee ma aha wax muadan F1. Saas oo kale ma aha aqoonlayda Shabaabka inay ka aamusaan falkaan foosha xun, waa inay dhahaan waxaas dhaafa, hadday ka fiirsanayn dantooda siyaasadeed.

Shabaabka dhankaan waxay kala midyihiin Yahuuddii hore, iskama reebi jirin, uu Ilaahay dhahay, xumaan ay sameeyeen. Ilaahay runuu sheegay. Abuu Zubayr iyo inta  jirta wax kale aa muuqda. Ma halaayeen, inta ay jiraan dad ogol inay xaqqa u dhintaan, markii la waayo waa macquul inay helaan say rabaan, inay dalkaan xoog ku xukumaan.Si kasta ha noqotee maqaalka waxaa lagu sheegay in 2 qof meesha ku dhimatay, 7 kalena ku dhaawacmeen. Shabakado kale oo Soomaliyeed iyo kuwo ajnabi ah waxay sheegeen dhaawac gaaraaya 20.

[5] Fiiri 3.

[6] "Rag hubaysan oo xalay ku dilay qof rayid ah", Jowhar.com,  21 oktober, 2012, WEB. accessed  October, 26th, 2012.  < http://www.jowhar.com/news.php?readmore=2789>

 

[7] “Maamulka gobollka Hiiraan oo ka warbixiyay qarax maanta ka dhacay magaalada Baladweyne” Hiiraan.com, 21 Oktober, WEB. Accessed 26th, 2012. http://www.hiiraan.com/news/2012/Oct/wararka_maanta21-19650.htm

 

[8] “Qarax Miino oo askar ka tirsan Ciidamada Itoobiya ku geeriyoodeen oo ka dhacay B/weyn” Jowhar.com,  21 Oktober,  2012, WEB, Access 26th, october, 2012, http://www.jowhar.com/news.php?readmore=2793

 

 

[9]  Fiiri 3.

[10] Fiiri 2.

 

[11] “Wariye ka tirsan Idaacada Shabelle oo caawa lagu dhaawacay degmada Wadajir”  Jowhar.com, 21 oktober, 2012. WEB. Accessed 26th, 2012.< http://www.jowhar.com/news.php?readmore=2795>

 

[12] [8]  “Maleeshiyaadka Al-Shabaab oo xalay Madaafiic ku weeraray Saldhig ay ciidamada Dowladda Soomaaliya ku lahaayeen Deegaanka Afmadow ee Gobolka J/Hoose” Somaliweyn.com,  21 oktober, 2012. WEB. Accessed on 26th, 2012. <http://www.somaliweyn.com/pages/news/Oct_2012/22Oct4.html>.

 

[13]    “Weerar lagu qaaday xarunta Kismaayo”  BBC Somali Service, oktober, 22, 2012. Waxaan furtay 26^th, 2012. Shabakad.< http://www.bbc.co.uk/somali/war/2012/10/121022_kismaayo.shtml >.

[14]  “Dagaal dhimasho iyo dhaawac sababay oo xalay ka dhacay magaalada Baydhabo ee gobolka Bay”. Dayniile.com, oktober 22, 2012. Shabakad. Waxaan furtay 26kii Oktober 2012. U fiirso: dayniile.com cinwaan gaar ah ma siin maqaalkaan, marka tirxraax ma leh, marka laga soo tago cinwaanka shabakadda oo ah sidaan: http://www.dayniile.com/. Warkaan wuxuu ka baxay idaacadaha maqalka ee BBCda laanteeda Af-Soomaaliga,  taariikhada markay ahayd 22kii bisha oktober, 2012. Waxaana lagu waraystay gudoomiyaha dagmada Baydhabo.

[15] “Sheekh Xudeyfa: “ 3 Askari oo Kenyaati ah ayaan dilnay, 2 gaarina waan gubnay”. http://www.amiirnuur.com/index.php?option=com_content&view=article&id=7821:sheekh-xudeyfa--3-askari-oo-kenyaati-ah-ayaan-dilnay-2-gaarina-waan-gubnay&catid=48:wararka. Amiirnuur.com, oktober 22, 2012. Waxaan furtay 26kii, bisha oktober, 2012.

[16]  Warkaan wuxuu ku soo baxay shabakadda dayniile.com, taariikhda markay ahayd 22kii bisha Oktober, 2012. Cinwaanka wuxuu ahaa “Ciidamo Kenyan ah oo galabta lagu weeraray wadada isku xirta degaanada Badhaadhe iyo Kulbiyow”. Dayniile.com. Waxaan furtay 26kii bisha Oktober, 2012.

[17]“Qaraxyo ka dhacay Laas-caanood”. BBC laanteeda af-soomaaliga, october 23, 2012.  http://www.bbc.co.uk/somali/maqal_iyo_muuqaal/2012/10/121023_qaraxyo_laascaanood.shtml

 

[18] http://www.bbc.co.uk/somali/ idaacadda duhurnimo, daqiiqada 6aad wixii ka dambeeya.

[19] http://www.voasomali.com/content/article/1532318.html

 

[20] http://www.hiiraan.com/news/2012/Oct/wararka_maanta24-19675.htm

 

[21] http://www.voasomali.com/content/article/1532891.html

 

[22] http://dhacdooyinka.com/amisom-oo-dad-rayid-ah-xasuuqday-iyo-wararkii-ugu-dambeeyey-ee-dagaaladii-leego/

[23] http://www.raxanreeb.com/2012/10/ciidamada-amisom-oo-dad-rayid-ah-ku-xasuuqay-degganka-leego/

 isla warkaan wuxuu ku soo baxay shabakaddaan: http://baidoanews.com/view.php?id=13760

[24] http://wadanka.com/Somali-News/7695.html

[25] http://www.google.com/hostednews/afp/article/ALeqM5gAljTnNxJVIdHoafE-yhgKpEdr4Q?docId=CNG.e948f75582c629a7eb61956930e63223.121

 

[26] Maxamed Xaji Xussen.  "Diyaarado dagaal oo dadka ku nool Degmada Baardheere ee Gobolka Gedo ku qasbay inaysan Tukan Maanta Salaaddii Ciiddul Adxa" Hiiraan.com. Shabakad. Waxaan furtay Oktober 26kii, 2012.  Shabakad. http://www.hiiraan.com/news/2012/Oct/wararka_maanta26-19697.htm

 

 

 

[27] Tafatiraha Webka Dayniile."Ciidamo ka wada tirsan dowlada Somalia oo galabta isku rasaaseeyey gudaha Suuqa Bakaaraha" Dayniile.com. WEB. Accessed October 26kii, 2012.

[28] Tafatiraha Webka Dayniile."Ciidamo ka wada tirsan dowlada Somalia oo galabta isku rasaaseeyey gudaha Suuqa Bakaaraha"  Dayniile.com. Shabakad.Waxaan furtay Oktober 26kii, 2012.

 

[29] Tafatiraha Webka Dayniile Dayniile.com. "Kooxo hubeysan oo askari Kenyan ah ku toogtay xerada Qaxootiga Soomaalida Xagardheer".  Shabakad.Waxaan furtay Oktober 26kii, 2012.